Ibitaro byo mu karere ka Gatsibo taliki ya 13 Kamena byashyikirijwe ibikoresho byo kwa muganga bifite agaciro kangana na 500 000 Dollar USA mu manyarwanda akaba arenga miliyoni 300 z’amafaranga y’ u Rwanda.

Ibikoresho byashyikirijwe ibitaro bya Ngarama bikaba byaratanzwe n’ikigo cyitwa global electronics gisanzwe gifatanya na minisiteri yubuzima mu Rwanda, ibyo bikoresho byatanzwe bikaba bigizwe n’imashini ipima x-ray ebyiri zirimo imwe ishobora kwimurwa (igenda), hari kandi ibikoresho byo muri laboratoire birimo imashini n’ibyuma byazo, ibikoresho bikoreshwa mu byumba byo kubyaza, ibikoresho byo gukoresha mu nzu y’imbagwa, imashini ikoreshwa mu gutera ibinya, reactifs n’ibikoresho byazo zizakoreshwa mu mezi 6 hakaziyongeraho  n’ikoreshwa ryabyo mu gihe cy’umwaka.

Global electronics ikaba yaremeye no kuzatanga amahugurwa azakorerwa abakozi bazabikoresha kugira ngo abazabikoresha babe bazi umumaro wabyo ndetse n’uburyo byafatwa kugira ngo bitazangirika.