Uwimpuhwe Esperence Umuyobozi w’Akarere wungirije ushinzwe imibereho myiza

Nyuma y’aho Akarere ka Gatsibo kaziye mu myanya ya nyumwa ku bwitabire bwo gutanga mituweli, Ndagijimana Uziel Umunyamabanga uhoraho muri Minisiteri y’ubuzima, yabwiye abaturage n’abayobozi ba Gatsibo ko bakwiye kwisubiraho kuko kuba bari hasi bitavuze ko ari ikibazo cy’ubukene.

Ndagijimana yakomeje abwira abayobozi n’abaturage bo mu Karere ka Gatsibo ko nk’abamaze kuzirikana agaciro k’ubuzima bwiza ko bakwibumbira mu bimina bahereye ku mudugudu, ku buryo mu mezi make baba bamaze kuzamuka mu kwitabira gahunda yo gutanga mituweli.

Abaturage bo batangaza ko kuba bataratangaga imisanzu yubwisungane mukwivuza byaterwaga nuko bamwe nta mikoro bafite kandi bakaba bafite imiryango igizwe nabantu benshi.

Umuyobozi w’Akarere ka Gatsibo wungirije ushinzwe imibereho myiza y’abaturage, Uwimpuhwe Esperance yemeza ko ubwitabire koko bwari hasi cyane. Mu rwego rwo gukemura icyo kibazo ngo bafatanyije n’inzego zose cyane izegereye abaturage, bashyize imbaraga mu gufasha abaturage mu kwishyura ubu bwisungane binyuze mu bimina bibumbiyemo ingo 35 zituranye.

Ubuyobozi bw’akarere ka Gatsibo bukaba buvuga ko kuva bwafata izo ngamba habaye impinduka zigaragara mu kwitabira gutanga ubwisungane mu kwivuza, aho ubu ubwitabire bugeze kuri 80% bivuye kuri 64,8% ngo kandi hakaba hari intumbero yo kugera ku 100%.

The post Gatsibo: Ubwitabire mu gutanga mituweli bugeze kukigero gishimishije appeared first on Ubuzimabwacu | Kinyarwanda, Rwanda Healthcare, Rwanda Medicine, Sanitation, Nutrition and Diet, Rwanda Biodiversity.

New strategies have been set in Nyabihu District aiming to reduce the rate of HIV/AIDS spread and prevent new infections through sensitizing people to voluntary test for the pandemic.

According to the coordinator of the commission that fights for eradication of AIDS in Nyabihu District Sostene Nzitonda, more than 1700 people in the district are infected with HIV/AIDS ; a reason to why people need to know their status as well as give counseling to the already infected.

 Pierre Dusenge the health official in Nyabihu district says it is a great sign to see many people voluntarily testing for HIV/AIDS to learn of their statuses.

The district had vowed to sensitize people and to have about 130000 people test voluntarily for AIDS in the performing contracts and about 160304 have already tested.

This performing contract was achieved at 123.3% and all thanks to different sponsors that helped with the sensitization program.

With the campaign to voluntarily test for HIV/AIDS, people are being sensitized about abstinence, faithfulness and condom use as the basics in having an HIV/AIDS free life.

People are always reminded that AIDS is a scourge that cannot be treated or be vaccinated against. Those already infected are counseled to protect themselves as well as other people by abstaining from sex or having protected sexual intercourse.

The post Nyabihu people increasing awareness on HIV/AIDS appeared first on Ubuzimabwacu | Kinyarwanda, Rwanda Healthcare, Rwanda Medicine, Sanitation, Nutrition and Diet, Rwanda Biodiversity.

Kuri uyu wa 09/05/2013 mu murenge wa Gatore, ubuyobozi bw’Akarere ka kirehe  bubinyujije mu  giterane cy’amasengesho bwatangije  igikorwa cy’ubukangurambaga bushishikariza abaturage  kwitabira gutanga imisanzu y’ubwisungane mu kwivuga y’umwaka utaha wa 2013-2014 hakiri kare.

Umuyobozi w’Akarere ka Kirehe Murayire Protais, yibukije abitabiriye iki giterane ko ari igikorwa cyo kwishimira kuko bigiye gutuma abantu barushaho kwitabira igikorwa cyo gutanga ubwisungane mu kwivuza, aho bateguye insanganyamatsiko ivuga ko roho nzima igomba kuba mu mubiri muzima.

Abantu batandukanye bari bateraniye ku kibuga cy’umupira cyo mu murenge wa Gatore bumva ubutumwa bukubiye mu ndirimbo n’ubundi bwo mu magambo buhamagarira abaturage gutanga umusanzu w’ubwisungane mu kwivuza, aho insanganyamatsiko yagiraga iti”Roho nzima mu mubiri muzima’’, Abakozi b’Imana babwiraga abaturage ko mu gihe umuntu yishe umubiri we,cyangwa se atawufashe neza, bizamufasha no kwica ubugingo bwe.

Bakaba bakomeza bavuga ko igihe umuturage adatanga ubwisungane  ngo ajye ashobora kwivuza bitamugoye batagomba kubyemera kuko indwara itungurana, abari muri iki giterane  bavuga ko ntacyo wageraho mu gihe nta buzima buzira umuze ufite.

Kudatanga ubwisungane mu kwivuza abari mu giterane bakaba baravuze ko bagiye kujya babifata nk’icyaha  kuko umuntu aba agambiriye kwica  umubiri Imana yamuhaye.

Kuba ubuyobozi bw’Akarere ka Kirehe bwarakoresheje ubu buryo bwo kwiyambaza amadini muri ubu bukangurambaga ngo ni uko basanze nazo ari ingufu zitakwirengagizwa  bakaba bazongera ku bundi buryo bakoreshaga nkuko umuyobozi w’akarere ka Kirehe Murayire Protais yakomeje abivuga.

Pasteur Marara asanga ari inshingano bafite zo gukora uko bashoboye kugirango abakiristu bayobora babe bazima, kandi ngo ntibagira ubuzima bwiza badatanga ubwisungane mu kwivuza akaba akomeza avuga ko ari ngombwa ko buri muturage yagombye gutanga ubwisungane mu kwivuza kugira ngo arinde umubiri we mu gihe yaba yafashwe n’indwara.

Abaturage bakaba basabwe kuba batanze umusanzu w’ubwisungane mu kwivuza bitarenze tariki  31 Nyakanga  uyu mwaka wa 2013.

The post Kirehe- Barasabwa gutanga ubwisungane mu kwivuza bw’ umwaka wa 2013-2014 ku gihe appeared first on Ubuzimabwacu | Kinyarwanda, Rwanda Healthcare, Rwanda Medicine, Sanitation, Nutrition and Diet, Rwanda Biodiversity.

Pierre Dusenge, in charge of health sector in Nyabihu district has revealed that over 300 men in Nyabihu district have undergone “vasectomy”.

A vasectomy is a surgical procedure performed on males in which the vas deferens (tubes that carry sperm from the testicles to the seminal vesicles) are cut or tied to provide reliable contraception.

This comes after the district pledged to sensitize 24,647 women on family planning in 2013.

To achieve the goal, study tours were conducted in districts where family planning program has been embraced, asserts Pierre Dusenge.

Pierre Dusenge adds that 24,310 equivalent to 98.63% have started using family planning methods after learning from other residents.

The government of Rwanda sensitizes residents to use family planning in order to achieve social development and health.

This is because one is capable of providing for every need of his or her children if they bear children they can afford to raise.

Dusenge adds that having a few children prevents them from bad character such as robbery, idleness among others that can result from poverty.

The post Nyabihu: Men embrace family planning program appeared first on Ubuzimabwacu | Kinyarwanda, Rwanda Healthcare, Rwanda Medicine, Sanitation, Nutrition and Diet, Rwanda Biodiversity.

Ushinzwe ubuzima mu karere ka Nyabihu,avuga ko gahunda yo kuboneza urubyaro yitabiriwe ku buryo bwiza muri uyu mwaka kandi n’abagabo batasigaye inyuma

Mu gihe umubare w’abaturage ugenda wiyongera ku isi ndetse no mu Rwanda by’umwihariko, ubuso bw’ubutaka bwo ntibwiyongera.

Buri muturage asabwa kujya abanza gutekereza ku mibereho, n’ubuzima bw’abo abyara cyangwa azabyara, ku buryo bitazamuteza ikibazo haba ku buzima bw’umuryango muri rusange, ku buzima bw’abo abyaye, ndetse no ku iterambere ry’urugo rwe hamwe n’umuryango we.

Mu rwego rwo kugira ubusugire, iterambere n’imibereho myiza mu muryango; kubyara abo umuntu ashoboye kurera ni kimwe mu bishishikarizwa abaturage mu Rwanda.

 Ni muri urwo rwego usanga gahunda yo kuboneza urubyaro ari imwe mu zashyizwe imbere,ugasanga no mu turere tumwe na tumwe bashyize gushishikariza abaturage kuboneza urubyaro mu mihigo,mu rwego rwo guharanira iterambere ryabo.

Mu karere ka Nyabihu,kuboneza urubyaro ni kimwe mu byashinzwe mu mihigo nk’uko Dusenge Pierre ushinzwe ubuzima muri aka karere yabidutangarije. Akaba avuga ko bari biyemeje gushishikariza abagore ibihumbi 24 na 647 kuboneza urubyaro muri uyu mwaka.

Kugeza ubu,abagera ku bihumbi 24 na 310 bangana na 98,63% bakaba baramaze kwitabira gahunda yo kuboneza urubyaro. Pierre akaba avuga ko bigenda neza cyane,akanongeraho ko n’ababura ku mubare biyemeje bazaba bagezweho vuba kuko ibikorwa by’ubukangurambaga no gusobobanurira abaturage ibyiza byo kuboneza urubyaro bikomeje.

Uretse abagore bitabiriye gahunda yo kuboneza urubyaro,n’abagano nabo bakaba baritabiriye iyi gahunda. Dusenge akaba avuga ko abarenga 300, bamaze kwitabira gahunda yo kuboneza urubyaro “vasectomie” kandi bikaba binakomeje.

Kugira ngo kuboneza urubyaro bitere imbere,Dusenge akaba avuga ko bagiye bakora ingendoshuri ahandi iyi gahunda yateye imbere. Bakaba bari bagamije kureba uburyo bakoresha ngo nabo babukoreshe I Nyabihu,iyi gahunda yumvikane kandu yitabirwe n’abaturage. Ibi akaba ari nabyo byatumye abaturage bitabira.

Kuboneza urubyaro,umuntu abyara abo ashoboye kurera,akaba ari kimwe mu bikemura ibibazo bitandukanye mu miryango kuko usanga iyo umuntu yabyaye abo ashoboye kurera,anabasha kubakemurira ibibazo bafite. Ibi bikarinda abana ubuzererezi,uburara,n’ibindi bibi.

Uburezi bwabo bugatera imbere ndetse ugasanga n’uburenganzira bwabo bukubahirizwa. Imiryango bavukamo kandi nayo itera imbere bitayigora cyane mu kubarera igihe babyaye abo bashoboye kurera.

The post Nyabihu: Ubwitabire bwo kuboneza urubyaro bwarazamutse kandi n’abagabo ntibasigaye inyuma muri iyo gahunda appeared first on Ubuzimabwacu | Kinyarwanda, Rwanda Healthcare, Rwanda Medicine, Sanitation, Nutrition and Diet, Rwanda Biodiversity.

Abakozi b’ikigo nderabuzima cya Mushubati mu karere ka Rutsiro bibutse abihaye Imana bakoraga n’abakomokaga muri paruwasi ya Mushubati, abakozi b’ikigo nderabuzima cya Mushubati, n’abarimu bo ku kigo cy’amashuri abanza cya Mushubati bazize jenoside yakorewe abatutsi mu 1994.

Uwo muhango wo kwibuka wabanjirijwe n’igikorwa cyo gusura urwibutso rwa Congo Nil ruherereye mu murenge wa Gihango mu karere ka Rutsiro.

Abatanze ubutumwa muri uwo muhango bagaye cyane abishe ababashubije ubuzima, ababahaye uburere n’ubumenyi ndetse ntibatinye no kwica ababigishije ubutumwa bwiza, aba bose kandi bakicwa urw’agashinyaguro, bamaze gukora urugendo bise urw’umusaraba.

Ingabire Marie Grace waburiye abo mu muryango we bakoraga ku kigo nderabuzima cya Mushubati yashyikirijwe inka n’icyo kigo yo kumufasha kwigira. Yavuze ko byamugaragarije agaciro umubyeyi we yari afite muri sosiyete, kandi ko bimwereka ko hakiriho abagifite umutima w’ubumuntu.

Yagize ati : “ Byanejeje cyane, bigatuma na none ubona agaciro umubyeyi wawe yari afite muri sosiyete, ukumva nawe byagutera imbaraga zo kuba wagera ikirenge mu cye.”

Umuyobozi w’ikigo nderabuzima cya Mushubati, Riberakurora Charles yavuze ko ibyabaye bigomba kubasigira isomo rikomeye, bagaharanira ko nta muntu uzongera kuburira ubuzima aho yakabuboneye.

Riberakurora ati : “Ni uguhindura abaza batugana bose, tugakumira iyo ngengabitekerezo yatuma twongera gusubira mu mahano nk’ayabonetse muri uru Rwanda, ntihazagire umuntu wongera kuburira ubuzima yaje kubushaka ku kigo nderabuzima cyangwa kwa muganga.

Umuyobozi wungirije ushinzwe imibereho myiza y’abaturage mu karere ka Rutsiro, Nyirabagurinzira Jacqueline, witabiriye uwo muhango, yasabye abari aho gufatana mu mugongo, bagahuza imbaraga, bakiyubakira igihugu.

Uwo muhango wo kwibuka witabiriwe n’abaturutse mu bice bitandukanye bafite imiryango yabo, inshuti n’abavandimwe bakoraga muri paruwasi ya Mushubati.

Hatuwe igitambo cya Misa cyo kubasabira, banashyira indabo ku rwibutso rw’abazize jenoside rwa Mushubati.

The post Rutsiro : Bibutse baharanira ko ntawe ukwiye kuburira ubuzima aho yakabuboneye appeared first on Ubuzimabwacu | Kinyarwanda, Rwanda Healthcare, Rwanda Medicine, Sanitation, Nutrition and Diet, Rwanda Biodiversity.

Mu karere ka Nyabihu, abarenga 1700 babana na Virusi itera SIDA nk’uko Nzitonda Sostene umuhuzabikorwa byo kurwanya SIDA mu karere ka Nyabihu yabidutangarije.

Muri uyu mwaka bakaba barafashe ingamba zo gukumira ubwandu bushya nk’ imwe mu nzira bafashe harimo gushishikariza abaturage kwipimisha bakamenya uko bahagaze, ari nako bahabwa inama z’imyitwarire bagomba kugira bitewe n’ibisubizo babonye.

 Dusenge Pierre ushinzwe ubuzima mu karere ka Nyabihu, avuga ko abipimisha Virusi itera SIDA muri uyu mwaka biyongereye kandi ari igikorwa gishimishije cyane

Nk’uko Dusenge Pierre ushinzwe ubuzima mu karere ka Nyabihu abivuga, ngo barishimira cyane ko abaturage bitabiriye cyane kumenya uko bahagaze bityo bari bahize ko abagera ku bihumbi 130 ari bo bazipimisha, uyu mubare ukaba wararenze cyane kuko bagejeje ku bantu ibihumbi 160 na 304.

Ibi byatumye barenza ku muhigo bari biyemeje, bageza kuri 123,3%. Akaba avuga ko muri ibi bikorwa banabifashijwemo n’abaterankunga batandukanye babafashije mu bukangurambaga ku buryo byatanze umusaruro mwiza cyane.

Kugeza ubu ukaba usanga abaturage badatinya cyane kumenya aho bahagaze ku bijyanye no kwipimisha Virusi itera SIDA,igikorwa kinaborohereza kumenya uko bitwara mu buzima bwabo. Bakanagirwa inama zo kwifata,ubudahemuka no gukoresha agakingirizo mu gihe inzira zose zibanza zibananiye.

Abaturage bakaba basabwa kwirinda SIDA kuko nta muti nta n’urukingo kandi ikaba imwe mu byorezo bibi bihitana abantu benshi ku isi.

The post Nyabihu: Barishimira ko abaturage bitabiriye kumenya uko bahagaze appeared first on Ubuzimabwacu | Kinyarwanda, Rwanda Healthcare, Rwanda Medicine, Sanitation, Nutrition and Diet, Rwanda Biodiversity.

Mu rwego rwo gushimira abaturage bitabiriye kujya mubwisungane mukwivuza kurusha abandi, umurenge wa Ndaro niwo watwaye icyo gikombe cyatanzwe n’akarere ka Ngororero. Imbere y’imbaga y’abaturage batuye uwo murenge, Umuyobozi w’akarere wungirije ushinzwe imibereho myiza y’abaturage madamu Nyiraneza Clotilde yabashimiye uburyo bihesheje agaciro bakishyura ubwisungane mu kwivuza kugera kuri 98%.

Yanabakanguriye gufata ingamba hakiri kare bakitegura kwishyura umwaka  wa 2013/2014 ugiye gutangire. Yabibukije ko bagomba guharanira kwigira kandi kubigeraho nuko baba bafite ubuzima buzira umuze, ibyo nabyo bakabishwamo no kujya mubwisungane mukwivuza. Abaturage batuye uwo murenge bizeje ko bagiye guharanira ko bose bava mu byiciro by’ubukene bakifasha n’abishyurirwaga na leta bakabyikorera.

Uretse icyo gikombe, utugari tugize umurenge wa Ndaro twahawe seritifika kubera kwitwara neza mu kwishyura mutuelle. Mu tugari 73 twose tugize akarere ka Ngororero, 12 twagenewe seritifika muritwo utugari 5 tukaba utwo mu murenge wa Ndaro . Akabaye aka mbere ni aka Kinyovi kagejeje ku 100%.

Mu gufata ingamba zo kwesa umuhigo wa 2013/2014 mu kwishyura ubwisungane mu kwivuza; abayobozi b’ibimina 152, ab’utugari n’ ab’amashuri, ibigonderabuzima, ab’inkeragutabara mu tugari, abakozi ba mutuelle, abayobozi b’imidugudu 33, ab’umurenge, abavuga rikijyana, aba LDF bagiranye inama n’ubuyobozi bw’akarere bungurana ibitekerezo uburyo biyushye akuya kugirango umurenge wa Ndaro ubone uriya mwanya baniyemeza kuzarushaho mumwaka utaha kuburyo kuwa 15 Nyakanga bazaba bararangije.

Musabyeyezu Mariya Goretti ukuriye komisiyo y’amatora mu murenge wa Ndaro akaba anakuriye kompanyi  icukura amabuye y’agaciro yemeje ko we n’abakozi be batazarenze uko kwezi batarishyura kandi bakanafasha abakene kubona ubwisungane mukwivuza, ibyo akaba abihuriyeho n’abandi bakuru b’imirimo muri uwo murenge.

Abaturage bishimiye igikombe bahawe

The post Ngororero: Umurenge wa Ndaro wegukanye igihembo cy’ubwisungane mu kwivuza 2012/2013 appeared first on Ubuzimabwacu | Kinyarwanda, Rwanda Healthcare, Rwanda Medicine, Sanitation, Nutrition and Diet, Rwanda Biodiversity.

Abaturage bo mu kagari ka Sure mu murenge wa Mushubati mu karere ka Rutsiro barishimira ko muri uyu mwaka w’ubwisungane mu kwivuza wa 2012 – 2013 akagari kabo kegukanye umwanya wa mbere mu murenge naho mu karere kakaza ku mwanya wa kabiri mu gutanga mituweli.

Abo baturage bavuga ko ibanga bakoresheje ari ubufatanye n’abayobozi babo, bakaba biyemeje gukomeza ubwo bufatanye kugira ngo batazasubira inyuma bigateza ingaruka mbi ku buzima bwabo.

Uwitwa Nyirabakinahe Marie Jeanne, umukuru w’umudugudu wa Kaduha wabaye uwa mbere muri ako kagari ka Sure yavuze ko yashimishijwe cyane no kuba umudugudu ayoboye warabashije kwegukana uwo mwanya wa mbere.

Yagize ati : “Ibanga nakoresheje, ni uko negereye abaturage banjye, ndabegeranya dukora itsinda ryo kwizigama no kubitsa no kugurizanya, bityo buri wese abasha kwibonera mituweli. Ubu tugiye kurushaho kugira ngo ubutaha umwanya wanjye wa mbere abandi batazawuntwara.”

Umunyamabanga nshingwabikorwa w’akagari ka Sure, Munyaneza Etienne na we yavuze ko politiki bakoresheje yo gukora ubukangurambaga bagenda urugo ku rugo ari yo yatumye abaturage bose b’akagari ayobora batanga ubwisungane mu kwivuza 100%.

Umukangurambaga w’ubwisungane mu kwivuza mu karere ka Rutsiro, madame Uwimana Marie Chantal yashimye ubwo buryo bwakoreshejwe bwo kugenda urugo ku rugo, asaba n’utundi tugari kuyikoresha kugira ngo bizazamure ubwitabire bwo gutanga ubwisungane mu kwivuza mu rwego rw’akarere.

Yibukije abaturage b’ako kagari ko n’ubwo ari umwanya mwiza wo kwishimira ibyo bagezeho, ari n’umwanya wo gufata ingamba kugira ngo batazasubira inyuma.

Akagari ka Sure ni kamwe mu tugari dutanu tugize umurenge wa Mushubati kakaba kagizwe n’imidugudu irindwi n’abaturage 5993.

The post Rutsiro : Abaturage b’akagali ka Sure biyemeje kugumana umwanya wa mbere mu gutanga mituweli appeared first on Ubuzimabwacu | Kinyarwanda, Rwanda Healthcare, Rwanda Medicine, Sanitation, Nutrition and Diet, Rwanda Biodiversity.

Abaturage bamwe bafite ubushobozi bo mu murenge wa Muhura, akarere ka Gatsibo ngo ntibatanga ubwisungane mu kwivuza bitewe n’uko igihe barwariye cyangwa barwaje abo mu miryango yabo babona ubwisungane bitabagoye.

Iyo batarwaye ntibatanga ubwo bwisungane, mu gihe ubusanzwe ufite uburenganzira bwo gutangira kwivuza ari uba amaze byibura ukwezi atanze amafaranga y’ubwisungane.

Kubera kumenyana n’ubuyobozi cyangwa abo ku bigo nderabuzima babandikira ko batanze ubwisungane mu kwivuza kera kugira ngo bahite bemererwa kwivuza, bamwe mu bifite ntibashishikarira gutanga mituweli ku gihe.

Umunyamabanga nshingwa bikorwa w’umurenge wa Muhura Agaba Kenedy, avuga ko ayo ari amakuru mashya ariko bagiye kubikurikirana ngo bikosorwe. Ati:“Icyo kibazo ntabwo twari dusanzwe tukizi, ariko ubu tugiye kugihagurukira gicike burundu.”

Umwe mu bakorera mu santeri y’ubucuruzi ya Muhura yagize ati:“Hari abanga gutanga amafaranga y’ubwisungane mu kwivuza atari uko bayabuze, ahubwo ari ukubera ko  hari igihe umuntu aba afite umuryango w’abantu umunani cyangwa barenga, bityo  ugasanga ayo mafranga aho kugira ngo uyatange waba uyacuruza akabyara inyungu.”

Mukayisenga Anita utuye mu kagali ka Mampfu, umurenge wa Muhura, avuga ko we n’umuryango we bafite ubushobozi bwo kwishyura mituweli babifashijwemo n’ibimina barimo. Nyamara ariko ngo umugabo we aho kuyatanga ayashyira bamwe mu bayobozi b’umudugudu bakayasangira, bakabandika mu batishoboye.

Uyu mwaka w’ubwisungane mu kwivuza watangiye mu kwezi kwa karindwi k’umwaka ushize wa 2012, ukazarangirana n’uku kwezi kwa Kamena, Akarere ka Gatsibo akaba ariko kaje ku mwanya wa nyuma ku gipimo cya 64,8% mu gihugu hose mu gutanga umusanzu mu kwivuza.

The post Muhura: Abifite ntibishyurira mituweli ku gihe appeared first on Ubuzimabwacu | Kinyarwanda, Rwanda Healthcare, Rwanda Medicine, Sanitation, Nutrition and Diet, Rwanda Biodiversity.